1344-07-08, Berkhamp

Item come en temps passe chambrer y ount este empechez ascuns foiz par cela as queux ryen ny attient par ount ils nount peu aver franche administracion du tresor, rescieu qi si soit levee ou deslevee ou perdu chiet soulement a charge et peril du chambrer et desicome rien ne puet le chambrer de sa resceite descharger si noun garant et acquitance de la livere forpris forein despenser que seront alowez par tesmoign du countrerollour, acorde est que chambrer desore en medle de rescettes et livereez du tresoor franchement a sa volente, issint totefoiz ge par la ou liverez se ferront sanz acquittance come en overeignes et tels foreins ow tesmoign de countrerollour est bosoignable de ce soit fait come avant est acustume, saunz nul prejudice ou suztret faire a rien que a loffice de justice ou les soens y ad avant de reson appartenu eant regard a ce que toutz les resceites des issues de la baillie seront faites par tailles des quewx resceites la justice par sa tesmoign chargera le dit chambrer sur son acompt al eschequer et ne mie por ce si la justice veie gil face nounduement reson est gil puisse reprendre, Item por ce qe conestables, viscountes et fermers qe par une vote sont dettours a leschequer illoeges et par autre voie y deivent pour fees, gages ou autre certein paiementz resceviere quant sur ce sount venuz acompter ount le cleer rebatu en noun de lour paiementz assigne le noun cleer et dettours aw roi et chambrer et desicome reson est ge le roi soit totefoitz servi de plus cleer ge doune le pour quot a chescun de tele de lui servir illoeges, acorde est qe auxt come mesmes cela voillent de lour feez, gages et certeinz estre pleinement paiex par mesme la manere facent tote lour charges a leschequer enterement livrer et touz y telw fez, gages et certeinz solent desore paiez par mayns de chambrer ou par son assignement issint que a la liveree il veie ge ses garantz et acquittances soient suffisantz de tielw paiementz faire, et desore nul soit descharge ne a nul soit alowe ce dount il se fait mesmes issint paier, mais si rien lour deit en tele cas estre alowe ce soit en detter meyns cleers desicome en lour defautz eles sont deslevez.